Një arbitër ka bërë histori në ndeshjen e Sporting Lisbonës kundër Benfikës në Portugali duke dhënë një karton të bardhë për herë të parë në historinë e futbollit.
Kartonët e kuq dhe të verdhë për faullet dhe shkeljet tjera kanë qenë një pjesë integrale e sportit për dekada, por Portugalia ka prezantuar një karton të bardhë si pjesë e një sërë nismash të reja për avancimin e lojës së futbollit.
Arbitrja Catarina Campos e dha kartonin për të njohur dhe inkurajuar lojën e ndershme gjatë ndeshjes së kupës së femrave mes Sporting Lisbonës dhe Benfica-s në Lisbonë.
Pak para përfundimit të pjesës së parë, ajo nxori kartonin dhe ua tregoi anëtarëve të ekipeve mjekësore të të dyja skuadrave, duke shkaktuar një pritje të ngrohtë nga tifozët.
Kartoni i bardhë mund të jepet për të njohur dhe inkurajuar lojën e ndershme dhe është krijuar për të përmirësuar vlerën etike në sport.
Lëvizja është pjesë e një nisme të re në Portugali për të inkurajuar palët të veprojnë në një mënyrë sportive dhe të marrin njohjen e menjëhershme për veprimet e tyre pozitive.
