Nënkryetari i Skenderajt, Sami Lushtaku është deklaruar pasi është parë në një pjesë të videos së Lëvizjes Vetëvendosje ku duket edhe ai në mesin e ish udhëheqësve të qeverive të kaluara, të cilët akuzohen për shkatërrim të shtetit.
Ai e quajti “Kurtoviq” kryeministrin e Kosovës teksa e ftoi atë që të ndërmerr hapa nëse mendon se ai është kriminel.
Lushtaku shtoi se i vjen keq për videon ku shihen edhe ish-krerët e UÇK-së që gjenden në Hagë.
“E pashë tani. Më erdhi keq për aata që janë në Hagë. Unë dhe ata që janë në Hagë jemi mësuar me kësi lloj videoesh në kohën e Millosheviqit, ku foto ime dhe e bashkëluftëtarëve të mi ka qenë në rrjetet e informimit serb. Ky Kurtoviqi e ka sot pushtetin dhe nëse ai e konsideron që ne jemi hajna le të veprojë drejtësia. Mos të del me fy familje se është dënim publik dhe nuk i duhet një qeverie që bën kësi akuza e vet është në pushtet”.
“Kështu që e ftoj zotërin ndash Kurtoviqin apo zëvendësat e tij le të urdhërojnë, shtetin e kanë, e kanë gjykatën, e kanë prokurorinë. Kam pritur nga Qeveria që së paku të interesohet për ata që janë në Hagë dhe t’i ndihmojë ata, ky qet ksi video-incizime. Kjo është e çuditshme. S’jam ka e fyej hiç. Më shumë e respektoj një shka të Beogradit sesa Kurtin. E ftoj Kurtoviqin le të urdhëron”, tha Lushtaku me anë të një bisede telefonike.
