Xhudistja jonë ka humbur pas tri fitoreve radhazi, por nuk është larguar nga gara për medalje. Distria Krasniqi ishte e pafat duke u mposhtur në gjysmëfinale të Kampionatit Botëror të xhudos që po mbahet në Tashkent të Uzbekistanit.
Pejania u mposht me ‘pikë të artë’ në gjysmëfinalen e kategorisë deri në 52 kilogramë nga britanikja Chelsie Giles.
Megjithatë, Distria do ta kërkoj medaljen e bronztë me anë të repesazhit.
Në këtë garë, kampionia olimpike do të ndeshet me xhudisten nga Izraeli, Gefen Primo.
