Policia ishte përgjigjur në këtë rast dhe pasi kishte marrë përshkrimin e të dyshuarve dhe automjetit, pas një ore ka arritur të identifikoj dhe ta ndaloj automjetin në të cilin kishin qenë tre persona të dyshuar.
Policia e Kosovës ka njoftuar se në orët e hershme të ditës së sotme, policia në Skenderaj ka pranuar informatën se në një pompë të derivateve në fshatin Tërnafc, një automjet ishte shërbyer me një sasi të derivateve dhe ishte larguar pa bërë pagesën për sasinë e derivateve të mbushura.
“Policia kishte ndaluar personat e dyshuar; F.M, 24 vjeçar, E.A. 18 vjeçar dhe K.R., 17 vjeçar, që të gjithë shtetas të Republikës së Kosovës. Të tre personat janë dërguar në Stacionin Policor ku janë intervistuar në lidhje me rastin ndërsa gjatë intervistimit ka rezultuar se personi F.M, ishte i dyshuar edhe për veprën penale ,,Vjedhje e targave”, rast i raportuar në Skenderaj me datë 10.10.2022. I dyshuari ka pranuar se targat e vjedhura i kishin vendosur në automjetin me të cilin kishin marrë derivate dhe ishin larguar pa paguar”, thuhet në njoftim.
Të gjitha veprimet hetimore i janë paraqitur prokurorit të rastit, i cili ka udhëzuar që të iniciohet rasti ,,Vjedhje e shërbimeve”, ndërsa të dyshuarit të lirohen dhe rasti të procedohet në procedurë të rregullt.
