Ish-kryeministri i Kosovës njëherësh ish-kryetari i LDK-së, Isa Mustafa, ka thënë se drafti i marrëveshjes për Asociacionin, i publikuar sot në medie, është i përafërt me marrëveshjen e nënshkruar në vitin 2013 dhe me dokumentin e vitit 2015.
Mustafa ka thënë se Kosova nuk bën të arrijë asnjë marrëveshje pa garancitë dhe pjesëmarrjen e ShBA-ve në dialog.
“Nuk besoj se problemi do të zgjidhet nëse ShBA-ja, janë veç mbështetëse të propozimit të kësaj nisme, pa qenë pjesëmarrëse e drejtpërdrejtë.
Kështu kam përshtypjen edhe nga përvoja ime, sepse vendet e Bashkimit Evropian i shohin si lehtë këto punë, këto probleme tona, ndërsa ShBA-vë e shohin krejtësisht ndryshe. Unë e respektoj deklaratën e zotit Escobar edhe angazhimin e tij, mirëpo mendoj që institucionet e Kosovës mund të bëjnë punë edhe me përfaqësuesin e ShBA-ve, Escobar edhe me të tjerët, me kusht që ata të zbatojnë atë që ka thënë presidenti Biden”, ka thënë Mustafa në transmetuesin publik.
