“Kësaj jave Kodi Civil do të kalojë në Kuvendin e Kosovës për faktin se është dokument i rëndësishëm dhe është e vërtetë që kemi pasur takime me grupin parlamentar, besojmë që Kodi Civil që kësaj radhe të miratohet në Kuvendin e Kosovës”.
Ministrja e Drejtësisë, Albulena Haxhiu është shprehur optimiste për miratimin e Kodit Civil, i cili pritet që gjatë kësaj jave të votohet ne Kuvendin e Kosovës.
Ministrja Haxhiu ka folur për rëndësinë e Kodit Civil, derisa për këtë ka thënë se kanë pasur takime edhe me Grupin Parlamentar të LVV-së.
Kujtojmë se në Kuvendin e Kosovës nuk është miratuar Kodi Civil, ku kundër ishin 29 deputetë ndërsa pro 28 e katër vota ishin abstenuese.
Në momentin e votimit në Kuvend ishin 77 deputetë, por 16 prej tyre nuk morën pjesë në votim.
Vlen të përmendet se liderët e partive opozitare Memli Krasniqi, Lumir Abdixhiku dhe Ramush Haradinaj nuk ishin prezentë fare në momentin e votimit të këtij Projekt Kodi.
