Kryeministri Kurti, ka thënë se institucionet po vazhdojnë të bëjnë zëvendësimin e targave ilegale në RKS.
I pari i ekzekutivit thotë se deri më tani janë shqiptuar mbi 800 qortime.
Kryeministri Albin Kurti ka thënë se pavarësisht zhvillimeve të fundit në veri, institucionet shtetërore kanë vazhduar normalisht punën.
Kurti thotë se Serbia po vazhdon lidhjet e saja me Rusinë e Kinën, derisa po kundërshton propozimin franko-gjerman.
“Nuk bëhet fjalë as për targat e as për Nenad Gjuriqin, por në pyetje është vetëm refuzimi që ata po i bëjnë planit franko-gjerman. Ata tash duhet ta kamuflojnë këtë refuzim duke përdorur pjesëtarët e strukturave ilegale”, tha Kurti.
Sipas Kurtit Serbia po saboton dialogun dhe arritjen e marrëveshjes finale.
Kurti thotë se serbët në Kosovë janë kërcënuar nga Beogradi duke iu djegur veturat
“75 mijë vetura të Serbisë që kanë kaluar nëpër vendkalimet kufitare, 6,300 sosh janë ilegale apo 8 për qind ose çdo e 12 është ilegale”.
Kryeministri thotë se Serbia është duke vazhduar me shpërndarjen e lajmeve të rreme kinse serbët në Kosovë po kërcënohen.
“Asnjë serb në Kosovë nuk dyshon se kërcënimet e tyre po i bënë Beogradi”, deklaroi tutje Kurti.
