“E di që ka implikime buxhetore, por është i nevojshëm. Duam përkrahjen tuaj që ta vazhdojmë frymën e bashkëpunimit. Duhet të jeni fleksibil dhe nëse kryeministri sjell një Projektligj tjetër do ta ketë përkrahjen tonë”, u shpreh ai.
Për miratimin e këtij Projektligji të propozuar nga deputetja e Partisë Demokratike të Kosovës, Ganimete Musliu, votuan anëtarët e Komisionit nga opozita, por jo edhe ata të partisë në pushtet.
Në mbledhjen e sotme të Komisionit për Çështje të Sigurisë dhe Mbrojtjes ka kaluar me pesë vota për Projektligji për Pensionet e Zyrtarëve Policorë të Policisë së Kosovës dhe Punonjësit e Inspektoratit Policor të Kosovës me autorizime policor.
Shqipe Mehmeti-Selimi, Mefail Bajqinovci e Enver Dugolli nga Lëvizja Vetëvendosje nuk i dhanë përkrahje këtij Projektligji, pasi sipas tyre nuk është paraparë në buxhetin e vitit 2023, shkruan Telegrafi.
Kryetari i Komisionit nga Aleanca për Ardhmërinë e Kosovës, Bekë Berisha, tha se “Qeveria brenda afatit prej 30 ditësh nuk ka paraqitur mendim për këtë propozim”.
E anëtari i Komisionit nga PDK-ja, Rashit Qalaj, tha se ky Projektligj edhe pse ka implikime buxhetore, është i nevojshëm.
