“Më tha ta shtyjë për 48 orë vendimin, nuk më tha shtyje për dhjetë muaj. Unë e shtyva për 48 orë, dhe brenda atyre orëve deklarata e Josep Borrell ndryshoi krejtësisht”, tha Kurti para deputetëve të Kuvendit.
Kryeministri Albin Kurti ka treguar se si ka ardhur vendimi deri tek shtyrja për 48 orë e çështjes së targave.
“Isha duke u kthyer nga Tirana për në Kosovë kur me thirri ambasadori amerikan. Ai nuk më tha se Kosova e ka keq, ai tha se Kosova është në rregull, por çfarë e pret atë mëngjesin e së nesërmes”.
Ambasadorit Jeff Hovenier më 22 nëntor, në ora 00:19 minuta, i kërkoi Qeverisë së Kosovës ta shtyjë vendosjen e gjobave për 48 orë.
Hovenier tha se këtë kërkesë ia ka bërë qeverisë për t’i lejuar ShBA-të dhe BE-në që t’i angazhojnë palët për të gjetur një zgjidhje.
“Shtetet e Bashkuara janë të shqetësuara se liderët e Kosovës dhe Serbisë nuk arritën sot të arrijnë një marrëveshje për zgjidhjen e krizës aktuale në Kosovë. Kemi kërkuar nga Qeveria e Kosovës që të shtyjë për 48 orë vendosjen e gjobave për t’i lejuar BE-së dhe Shteteve të Bashkuara të angazhojnë më tej palët për të gjetur një zgjidhje”, shkroi ai në Twitter
