Avokati Arianit Koci, ka uruar qytetarët për festën e Krishtindjes.
Ai, përmes një postimi në Facebook, ka thënë se praktikuesit e fesë islame, i thonë se “nuk është shqiptar, por katolik”. Ndërsa, katolikët i thonë se “nuk është krejt katolik”.
Koci ka thënë se katolikët e përmendin pak faktin që ai është fëmijë i martesës së përzier.
1. “Ky katoliki” – më thonë pas shpine shumë musliman praktikues të fesë, por edhe të tjerë, duke e mohuar faktin që e kam pasë gjyshin hoxhë me nam.
Madje, si të sharën më të madhe e përdorin sintagmën primitive: “Nuk është shqiptar por katolik”.
2.“Nuk është krejt katolik” – më thonë një grusht katolikësh, mu për shkak të hoxhës, gjyshit.
Dorën në zemër, pjesa katolike shumë më pak e përmendin në aspektin pezhorativ, faktin që jam fëmijë i martesës së përzier.
Sidoqoftë, jam ky që jam. Unik.
Prandaj, gëzuar krishtlindjen – katolik dhe musliman.
Fat dhe mbarësi për të gjithë”, ka shkruar Koci.
