Kossevi ka raportuar më herët që dy zyrtarë të Policisë së Kosovës kanë shkuar në Kalanë e Zveçanit.
Në të njëjtën kohë, vazhdon raportimi, një dron i vogël ishte andej pari.
Policët e Kosovës që po ecnin në drejtim të kalasë kanë hasur në qytetarë tjerë që ishin në atë vend.
Mes tyre ishte edhe aktivisti politik Marko Jakshiq.
“Jam i habitur sepse nuk e prisja policinë. Sigurisht që është e pakëndshme. Ata thonë se janë për herë të parë në Kala, por kanë vizituar çdo pjesë dhe kanë filmuar. Ndërkohë, nga Mitrovica ka fluturuar një dron,” – ka pretenduar Jakshiq për Kossevin.
Edhe qytetarë të tjerë kanë shprehur ‘befasinë’ e tyre për praninë e policëve.
Megjithatë qytetarët thanë se zyrtarët policorë kishin sjellje të mirë dhe se nuk kishin përjetuar asnjë shqetësim prej tyre.
