Një mjek i Spitalit të Përgjithshëm në Pejë ka vdekur në vendin e tij të punës këtë të shtunë.
Lajmin e kanë konfirmuar nga Prokuroria Themelore në Pejë, duke bërë të ditur se dyshimet fillestare janë se bëhet fjalë për vdekje natyrale.
Zëdhënësi i kësaj prokurorie, Shkodran Nikçi, ka thënë se për t’i hequr të gjitha dyshimet, Prokurori i Shtetit ka kërkuar nga Policia e Kosovës që të kontrollohen pamjet e kamerave të sigurisë.
“Prokurori i Krimeve të Rënda dhe Policia e Kosovës kanë dal në vendin e ngjarjes. Dyshimet fillestare janë se është vdekje natyrale. Mirëpo, për t’i hequr te gjitha dyshimet, Prokurori i Shtetit ka kërkuar nga Policia e Kosovës te kontrollohen te gjitha pamjet e kamerave te sigurisë. Kaq mund te ju informoje për këtë rast”, ka deklaruar ai.
