Big Brother Vip Kosova dhe Big Brother Vip Albania janë dy emisionet më të shikuara shqiptare të momentit në të dy vendet.
Derisa jemi në ditët e shënimit të rezistencës së familjes Jashari, në datat 5, 6 dhe 7 mars, banorja e BBVA dhe njëherit aktorja e famshme, Olta Gixharri nuk ka ditur për ekzistencën e Prekazit. Ose së paku kështu është dukur gjatë një sekuencë të shkurtër të shout. Çfarë ndodhi?
BBVA ka një audiencë të madhe në Kosove, e duket që edhe në Prekazin dhe familjen e Adem dhe Hamëz Jasharit.
Hamëz Jashari i ri, djali i Bekim Jasharit i ka dërguar një mesazh përshendetes banorit më të famshëm në këtë shou, Luiz Ejllit, në vlerë prej 100 euro.
“Të përshëndesim nga Prekazi heroik i Adem Jasharit” shkruante në mesazhin që Jashari i ri i ka dedikuar Luizit bashkangjitur me një emoji të kurorës.
Por, reagimi i aktores së njohur shqiptare nga Durrësi, Olta Gixharrit ishte befasues. Ajo ka pyetur se çka është Prekazi.
“Çka është Prekazi”, pyet Gixharri e habitur.
