Ministria e Kulturës, Rinisë dhe Sportit ka nënshkruar memorandum bashkëpunimi me Universitetin e Prishtinës “Hasan Prishtina” për ndërtimin e memorialit për fëmijët e vrarë dhe të zhdukur gjatë luftës së fundit në Kosovë.
Sipas njoftimit, fillimisht do të hartohet dokument narrativ mbi këtë monument dhe pas kësaj do të bëhet shpallja e konkursit ndërkombëtar për projektin e memorialit të fëmijëve. Ky proces me ndjeshmëri të lartë kërkon një analizë të thellë, që rezultati të jetë dinjitoz dhe proporcional me qëllimin.
“Memoriali është vendim i Qeverisë së Kosovës, përmes të cilit do të nderohet dhe lartësohet kujtimi për fëmijët e vrarë dhe të zhdukur gjatë luftës”, thuhet ndër të tjera.
