Zëvendëskryeministrja e Republikës së Kosovës për Çështje të Pakicave dhe Drejtat e Njeriut, Emilija Rexhepi, ka mbajtur takimin e radhës të Grupit Koordinues Ndërinstitucional për të Drejtat e Njeriut në Republikën e Kosovës, raporton DTV.
Me këtë rast ajo tha se respektimi i të drejtave të njeriut janë prioritet i Qeverisë. Madje tha se duhet ende punë dhe bashkëpunim ndërinstitucional edhe në implementimin e planeve e strategjive.
“Qeveria e Kosovës është e përkushtuar në mbrojtjen e të drejtave të njeriut. Nëse dëshirojmë të krijojmë një të ardhme për fëmijët e tanë duhet që të respektohen të drejtat e njeriut dhe të garantojmë si institucione implemtimin e tyre. Kjo arrihet kur qëllimet e tona kalojnë në aktivitet institucionale”.
“Është i nevojshëm bashkëpunimi ndërinstitucional dhe sigurimin e të drejtësisë për të gjithë. Edhe kampanjat edukative luajnë rol shumë të rëndësishëm për ngritjen e vetëdijes për të drejtat e njeriut”.
Habit Haredini, drejtor i Zyrës për Qeverisje të Mirë, në kuadër të Zyrës së Kryeministrit, paraqiti para të pranishmëve raportin e respektimit të objektivave të planit të veprimit 2021-2023.
Ai tha se në përgjithësi plani është zbatuar 59.67% dhe janë 16 aktivitete që nuk kanë filluar së zbatuari fare nga 124 sa janë gjithsej.
“Duhet të ndjekim rrugën në hartimit të dokumenteve të rëndësishme. Kemi 16 objektive specifike që bazohet te plani i veprimit 2021-2023. Nga 124 aktivitet e planifikuar, 74 janë zbatuar plotësisht, apo 59.67%, 34 pjesërisht ose janë në zbatim apo 27.41% si dhe 16 nga aktivitet nuk janë zbatuar dhe nuk ka asnjë zhvillim serioz lidhur me to apo 12% t ë aktiviteteve të planifikuar”.
“Tek mbrojtja dhe promovimi 30 aktivitet, 7 nuk janë realizuar. Lehtësimi i qasjes në sistemin e drejtësisë është sfidë kemi 16 aktivitet që janë realizuar 10 në proces dhe 3 që nuk janë marrë veprime aspak. Kemi 74% të aktivisteve që janë realizuat 34% që janë në proces në përgjithësi. Ne si Qeveri kemi arritur që të vendosim në funksion kornizën për të drejtat e njeriut në nivel vendi është një dokument kyç që ka me i ndihmuar institucionet e Kosovës në gjitha nivelet dhe për të mbikëqyrur edhe për të parë përmbushjen e detyrimeve të të drejtave të njeriut dhe po përmbushim kriteret qoftë në BE qoftë në Kombet e Bashkuara”.
Avokati i Popullit Naim Qelaj, tha se kur flitet për këtë çështje të gjitha institucionet duhet të jenë bashkë, prandaj edhe u shpreh i shqetësuar që në takim nuk ishin prezent numër i madh i atyre që janë pjesë e Grupit Koordinues Ndërinstitucional për të Drejtat e Njeriut, raporton DTV.
“Është shumë e rëndësishme që institucionet kur flitet për të drejta e njeriut me qenë shumë të vëmendshëm, sidomos në raste të tilla kur raportohet për një çështje të tillë”.
“Shumë pak jemi nga ky grup që për mua është dekurajuese, po inkurajuese është përpjekja që po bëjnë autoritet me kuptuar zbërthimi i rekomandimeve të Avokatit të Popullit”.
