Kryetari i Partisë Demokratike të Kosovës, Memli Krasniqi, ka kujtuar se si sot, 13 vjet më parë, Gjykata Ndërkombëtare e Drejtësisë në Hagë konstatoi se Shpallja e Pavarësisë së Kosovës nuk ka shkelur të drejtën ndërkombëtare.
“Me vullnetin dhe përpjekjen për shtetformim të një lidershipi vizionar, në koordinim me miq e aleatë e jo kundër tyre, me dashuri e përkushtim për të ardhmen e sigurt të fëmijëve tanë dhe jo duke e rrezikuar atë – shpallja e pavarësisë është suksesi ynë më i madh historik”, ka shkruar ai në llogarinë e tij në Facebook.
Tutje, ai ka thënë se kujton dhe nderon sakrificën e madhe ndër breza të popullit shqiptar dhe luftën e shenjtë e çlirimtare të UÇK-së.
