I gjithë video materiali i regjistruar në ditën e vrasjes së kryetarit të Nismës Qytetare “Liri, Demokraci, Drejtësi” Oliver Ivanoviq më 16 janar 2018” peshon 463 gigabajt.

Sipas prokurorit të shtetit të Kosovës, Burim Çerkini, ajo video është “shkurtuar” në 61 gigabajt “material të dobishëm dëshmues” dhe dje është përcjellë në Gjykatën Themelore në Prishtinë, para së cilës është mbajtur seanca gjyqësore në vazhdim të gjykimit për vrasjen e Ivanoviqit.

Në seancën e djeshme, mbrojtësit e të akuzuarve kërkuan që t’u dorëzohet video-materiali i plotë dëshmues, i cili duhet të shfaqet dhe analizohet në seancat e radhës, të cilat janë caktuar për datat 26, 27 dhe 30 tetor.

Gjyqtari Valon Kurtaj tha se avokatëve mbrojtës do t’u jepet një kartë memorie me 61 gigabajt video materiale dhe se avokatët mbrojtës që duan të kenë videot e plota duhet të kenë një hard disk për të kopjuar materialin. Sipas informacioneve jozyrtare, këto janë video që përcjellin lëvizjen e Ivanoviqit nga shtëpia e tij në selinë e SDP-së, ku ai u qëllua për vdekje gjashtë herë nga prapa më 16 janar 2018.

Në seancën që u mbajt në Gjykatën Themelore në Prishtinë morën pjesë të akuzuarit për ndihmë në vrasjen e Oliver Ivanoviqit: sekretarja e tij Silvana Arsoviq, Marko Roshiq, policët: Dragisha Markoviq, Rade Basara, Nedeljko Spasojeviq dhe Zharko Jovanoviq me avokatët e tyre mbrojtës.

Në seancat e mëparshme të kësaj jave, gjykata pretendoi se nuk kishte mundësi teknike për të shfaqur videot dhe kërkoi nga avokatët mbrojtës të deklarojnë sërish nëse i qëndrojnë kërkesës për transmetimin e tyre.

“Prokuroria Publike për Krim të Organizuar është duke vepruar në rastin lidhur me vrasjen e Oliver Ivanoviqit dhe në rastin në fjalë ka dërguar katër kërkesa për ndihmë të ndërsjellë juridike dhe dy kërkesa për ndihmë juridike ndërkombëtare. Duke pasur parasysh se ky është një rast i shënuar si “rreptësisht konfidencial”, nuk mund të komentojmë detajet e kërkesave dhe fletëthirrjeve”, i është përgjigjur dje gazetës Nova Prokuroria e Beogradit lidhur me deklaratën e fundit të Ministres së Punëve të Brendshme, Bratislava Gashiq se identiteti i vrasësit të Ivanoviqit dihej.

Ai ka kërkuar nga Prokuroria përgjigje për këto pyetje: a ka dorëzuar ministri Gashiq dosjen me provat që i ka paraqitur në Kuvendin e Serbisë, nëse jo, çfarë ka bërë prokuroria lidhur me pretendimet e Gashiqit, a ka dijeni Prokuroria se deklaratës së ministrit në Kuvend, vrasësi i Ivanoviqit është “kërkuar nga policia serbe nga autoritetet gjermane nën mbrojtjen e të cilëve”, si dhe deri ku ka arritur hetimi për vrasjen e Ivanoviqit të udhëhequr nga Prokuroria dhe nëse bashkëpunon me institucionet kompetente të drejtësisë në Prishtinë.