Kryetari i Komisionit Qendror të Zgjedhjeve (KQZ), Kreshnik Radoniqi, nuk pa pasur përgjigje nëse ky institucion do të merren me organizimin e procedurave për largimin e kryetarëve të veriut, raporton DTV.
Gjatë mbledhjes së KQZ-së, ai është pyetur nga gazetarët se a është gati ky institucion për organizmin e zgjedhjeve në veri.
Ai nuk ka dhënë detaje, por tha se do të shohin ditëve në vijmë se cilat do të jenë procedurat që duhet ndjekur.
Kur u pyet për grupin punues për hartimin e udhëzimit administrativ për këtë procedurë, ai tha se kjo ka qenë kërkesë e Ministrisë dhe se janë duke mu mbajtur takimet, pa dhënë më shumë detaje.
“Janë duke u mbajtur takime… deri sa te marrim një përfundim nga Komisioni nuk kemi çka me deklaruar. Ajo është kërkesë e Ministrisë, ata e kanë kërkuar një anëtar e kemi dërguar”.
“Ta shohim ditëve në vijmë se çka do të veprojmë, për momentin nuk kemi përgjigje”.
