Georginio Wijnaldum fluturon në Arabinë Saudite. Skuadra Al-Ettifaq ka zyrtarizuar blerjen e holandezit nga PSG për 10 milionë euro.
Ish-mesfushori i Romës vihet nën urdhrat e Steven Gerrard, duke u larguar për herë të parë nga futbolli europian. Ai ka firmosur kontratë trevjeçare, pra deri në vitin 2026.
Ishte një periudhë kur Georginio Wijnaldum konsiderohej një nga mesfushorët më të fortë në botë. Ishte meritë e gjermanit Jurgen Klopp, që e kishte holandezit te Liverpool, ku shpërtheu me të gjithë potencialin e tij. Pastaj diçka shkoi keq.
Por Wijnaldum nuk gjen vetëm Steven Gerrard në Arabinë Saudite: holandezi do të jetë në gjendje të luajë përsëri me Jordan Henderson, ish-kapitenin e tij në Liverpool.
Wijnaldum, duhet kujtuar, është rikthyer nga një sezon shumë i komplikuar me fanellën e Romës së José Mourinhos.
Menjëherë pas mbërritjes në Itali, mesfushori holandez, në prag të ndeshjes kundër Cremoneses, e vlefshme për javën e dytë të kampionatit të Serisë A. 2022/23, pësoi frakturë në këmbën e djathtë.
I rikthyer pas disa muajsh dhe vetëm në vitin 2023, Wijnaldum e përfundoi sezonin me 23 paraqitje dhe 2 gola për fanellën e Romës.
