Dy persona kanë pësuar lëndime trupore të enjten mbrëma pasi u këput kavo e ashensorit në një objekt banesor në Gjakovë.
Ashensori kishte rënë në bodrumin e banesës, ndërsa të lënduarit janë dërguar për trajtim në Spitalin e Gjakovës dhe janë jashtë rrezikut për jetë.
Lajmin e ka konfirmuar zëdhënësi i policisë për rajonin e Gjakovës, Sheremet Elezaj.
“Rreth orës 21:15 është këputur kavo e një ashensori në një objekt banesor në Gjakovë. Ashensori ka rënë në bodrum. Dy persona kanë pësuar fraktura. Në ashensor kanë qenë katër persona, prindërit dhe dy fëmijë të vegjël (foshnja)”, ka thënë Elezaj.
Elezaj tha se fëmijët nuk janë lënduar.
Për këtë rast është arrestuar një person, i cili me vendim të prokurorit është dërguar në mbajtje.
DTV
