Kapiteni i Zvicrës Granit Xhaka, ka reaguar pas ndeshjes me Kosovën e cila përfundoi 2:2.
Xhaka u shpreh i lumtur që pati sërish rast të luajë në “Fadil Vokrri”.
“Ndjenjë e jashtëzakonshme të kthehem në Prishtinë”, shkroi ai në Instagram.
Ai publikoi në llogarinë e tij një fotografi të shkrepur para 18 vjetësh së bashku me vëllain e tij të madh Taulantin.
E po ashtu edhe nga ndeshja e mbrëmshme në kryeqytetin kosovar.
Përpos tij, pjesë e ekspeditës zvicerane ishin edhe futbollistë të tjerë me prejardhje nga Kosova si: Xherdan Shaqiri, Ardon Jashari dhe Uran Bislimi.
Bile, ky i fundit disa muaj e ka bartur edhe fanellën e Kosovës.
