Petar Miletiq ka dhënë dorëheqje nga pozita e këshilltarit të kryeministrit të Kosovës, Albin Kurti. Ai dorëheqjen e tij e ka shpejguar përmes një letre të cilën ia ka dërguar Kurtit.
Në ketë letër thuhet se e ka kuptuar që si këshilltar i jashtëm roli i tij nuk do të ishte i rëndësishëm sa i përket ndihmës së serbëve në Kosovë.“Me këtë letër dua t’ju njoftoj se nga sot nuk jam formalisht këshilltar i jashtëm politik i Kryeministrit të Kosovës. Në fjalitë e ardhshme, kam ndërmend të shpjegoj vendimin tim. E kuptova në fillim të këtij viti se roli im si këshilltar i jashtëm nuk do të ishte i rëndësishëm dhe më vonë nuk do të ishte funksional sa i përket ndihmës së serbëve në Kosovë.” – thuhet në këtë letër, siç raporton mediumi serb N1.
“E kisha të qartë se nuk do të konsultohesha për çështje të rëndësishme politike as në muajt e parë të (sh)angazhimit tim. Ngjarjet dhe temat u rregulluan pranë meje, dhe dëshmia më e qartë se kjo qeveri nuk dëshiron asnjë kontakt me serbët ishte mos emërimi i drejtorit të zyrës për komunitete në kryeministri, pa marrë parasysh insistimin e brendshëm dhe ndërkombëtar. Aktorë (nuk është emëruar as sot e kësaj dite), si dhe uljen e buxhetit të asaj zyre nga një milion e treqind mijë në pesëqind mijë euro.” – ka thënë ai.
Më tej, ai është ankuar për ndarjen e fondëeve për organizatat joqeveritare duke thënë se ato u ndanë vetëm për OJQ-të shqiptare.
“Sipas vlerësimit tim të lirë, 90 për qind e atyre problemeve mund të zgjidheshin brenda pak ditësh nëse do të ekzistonte vullneti politik i Qeverisë. Megjithëse kolegu Gouing bëri një përpjekje të madhe, asgjë nga këto nuk ndodhi. Dua të veçoj një moment më të rëndësishëm, që është ndarja e mjeteve nga Kryeministria për komunitetet. Pothuajse të gjitha paratë iu dhanë organizatave joqeveritare shqiptare, që do të thosha është kulmi i hipokrizisë, pafytyrësisë dhe arrogancës.” – ka thënë ai.
“Zoti kryeministër, gjatë vitit 2023 e keni kaluar thellë kufirin nga i cili nuk ka kthim prapa në marrëdhëniet me komunitetin serb në Kosovë. Deklaratat tuaja se keni problem me Beogradin dhe jo me serbët e Kosovës, thjesht nuk janë të vërteta, për të mos përdorur një term më të ashpër. Dërgimi i forcave speciale në veri, arrestimi i njerëzve të pafajshëm (disa prej tyre që unë personalisht i di se janë të pafajshëm, njëri prej të cilëve u arrestua dje është në gjendje shumë të rëndë), dhuna institucionale ndaj serbëve nuk janë akte kundër Beogradit, por ndaj fqinjëve dhe qytetarëve tuaj. të Kosovës, dhe që çështja të jetë më e keqe, një sjellje e tillë antiserbe u derdh në rrugë dhe në shoqëri, për fat të mirë jo në mbarë shoqërinë kosovare. Fatkeqësisht, me serbët e Kosovës nuk mund të vendosni më as marrëdhënie normale dhe pa bashkëjetesën e shqiptarëve dhe serbëve nuk ka asnjë shans për përparimin e Kosovës e as të rajonit.” – ka thënë ai.
Ai ka thënë se dorëheqja e tij nuk është për shkak të presioneve.
