Kryetari i Lidhjes Demokratike të Kosovës, Lumir Abdixhiku, ka akuzuar direkt pushtetin qendror që udhëhiqet nga Lëvizja Vetëvendosje për ndikimin në vendimin e Gjykatës Komerciale për pezullimin e punës për ndërtimin e “Rrugës A” në Prishtinë.
Në një reagim në Facebook, Abdixhiku ka thënë se ndërtimi i “Rrugës A” po ecte në ritmin e duhur, por siç ka shkruar ai, “në Kosovën e populistëve, puna krijon kundërshtarë”.
Kryetari i LDK-së, duke aluduar në Lëvizjen Vetëvendosje, thotë se vetë nuk bëjnë punë e punën e tjetrit s’e durojnë dot.
“Këta janë përplot mllef e urrejtje; dhe fatkeqësisht urrejnë qytetarët e vet. Punë s’bëjnë vet por punën e tjetrit se durojnë dot. Prishtina dhe qytetarët e kryeqytetit, le ta shohin këtë çmenduri. Fillimisht me bllokim buxheti deri në gusht; tani me bllokim projekti me kapje e familjarë. Nuk do t’i lejojmë. Rruga e Re dhe Rruga A nuk ndalen. Prishtina dhe Kosova do të bëhen!”, ka shkruar tutje Abdixhiku.
Pas akuzave fillestare të Ramës i kemi dërguar pyetje deputetes Pacolli. Por ende s’kemi marrë përgjigje.
DTV
