Kreu i Preshevës, Shqiprim Arifi, ka thënë se është duke e përsëritur prej një kohe që “Albin Kurti është jozyrtarisht person non-grata” në SHBA dhe se “të gjithë shqiptarët nëpër botë e dinë dëmin që Kurti ua ka bërë raporteve me SHBA-në dhe me partnerët”.
Arifi tutje ka shkruar se për herë të parë në histori raportet e Kosovës me Greqinë janë më të mira se me SHBA-në.
Sipas tij, Kurti duhet ta ndjej për obligim moral që të japë shpjegime për shqiptarët pse ne kemi raport më të fortë me Greqinë sesa me SHBA-në.
“Për herë të parë në historinë e Kosovës, marrëdhëniet me Greqinë janë më të mira sesa me aleatin dhe mikun tonë të kahershëm SHBA-në dhe për këtë, Albin Kurti duhet të ndjejë një detyrim moral t’u shpjegojë shqiptarëve pse kemi marrëdhënie më të forta me Greqinë sesa me SHBA-në. Dhe më e rëndësishmja, pse marrëdhënia me kryeministrin grek Mitsotakis është më e mirë sesa me Edi Ramën”, ka shkruar Arifi.
I've been repeating for a long time that Albin Kurti is "unofficially persona non grata" in the 🇺🇸 and today all Albanians worldwide know about Kurti's weak and damaged relationship (to not say no-realitionship at all) with the 🇺🇸 and other international friends and partners .…
— Shqiprim Arifi (@arifishqiprim) November 4, 2023
