Nga Kimete Berisha
1. Gruda i PDK-së i ka thënë Albulena Haxhiut se padia për gjenocid nuk bëhet aty ‘ku po kujton ajo’, në Këshillin e Evropës.
– E ku bëhet, pra…trego…,se domethënë ti e ke ditur ku është vendi që bëhen paditë e këtilla, por nuk ke dashur të shprushësh.
2. -Albin Kurti tha: ‘Ne nuk falim as nuk harrojmë’.
– Pas luftës Kushner na tha ‘Fal e mos harro’.
– E Hashim Thaçi gjithmonë ka kërkuar të harrojmë të kaluarën, dhe e kaluara u harrua, përveç e kaluara tij.
– Për t’u harruar e kaluara janë kujdesur të gjitha institucionet e Kosovës, përfshirë institucionet e kulturës, si qendra kinematografike, e cila u kujdes (duke zgjedhur juritë e përshtatshme), që lufta e UÇK-së dhe viktimat të ‘zhduken’…ndërsa viktimat e përdhunimit (si tek filmi ‘Kukumi’, filmi ‘Shtëpia e Agës’, etj)…
që kur i pyesin se kush i ka përdhunuar në luftë, ato heshtin, nuk tregojnë që i ka dhunuar policia serbe.
– Asnjëherë nuk ka ndodhur rastësisht.
Gruaja shqiptare në film vuan në heshtje për vrasjen e të birit, por nuk e përmend se kush ia ka vrarë djalin. Vdes e nuk tregon.
– As Serbia vetes nuk i ka ndihnuar për ta fshirë të kaluarën më shumë se Institucionet e Kosovës.
Prandaj, anipse s’më përfill ‘kush unë vazhdoj të pyes:
– Pse Drejtësia e Kosovës e ka lënë të lirë përdhunuesin e V.K.?
3. Dikur betoheshim: ‘pasha besën’, ‘për Zotin’, ‘pasha të gjallë e të vdekur’, ndërsa gjenerata Z tash betohen ‘pasha Allahun’.
Çdo i ri edhe për lojë, për më të voglin send, bëjnë be ‘pasha Allahun’, dhe kur betohen, e thellojnë zërin, që duket sikur po çelet toka.
– Derisa feja që dikur tek shqiptarët ishte folklor – s’është më folklot, politika që s’ishte folklor po bëhet folklor.
– Albin Kurti e quajti ‘bac’ një politikan që ndërroi jetë…
Thuajse i ka ruajtur lopët me të.
Se si e sheh ky Kosovën, si një odë ku gjindja nuk e dallojnë njëri – tjetrin prej tymit të duhanit.
– Kujt po i përshtatesh?
Më folklorist s’bëhesh, lirisht vazhdo me ‘Lokja Terezë’, ‘Halla Medlin’, ‘Tezja Hillari’ e ‘Mixha Biden’.
– Është e tmerrshme se si Kosovën e keni primitivizuar me zhargone, me mentalitet, me paragjykime, dhe me prapambeturi.
4. Çoroditja u bë zakon, u bë lëndë mësimore.
Djemtë po i mësojnë t’i urrejnë femrat ‘e sotit’.
Duke folur për femrat shqiptare që sipas tij vishen ngushtë dhe nuk dalin nga shtëpia pa u dukur bukur, Shefqet Krasniqi na quajti ‘shqiptarka’ që nuk ua gjen ‘shoqen’ për të keq, tha, prej Lindjes në Perendim.
Hopa.
– Shumë është ‘lazdruar’ ky…freieri.
5. E Arbërie Nagavci i ka thënë SBASHK-ut – ‘matni fjalët’.
Shih ti sa poshtë ka rënë katundi.
– Në kohën e Millosheviçit shqiptarët nuk i kanë matë fjalët.
‘Bujku’ ‘i keq’ s’ka lënë gjë pa shkruar kundër Millosheviçit;
shqiptarët janë dergjur në burgje e janë vrarë për liri, e halli i saj kërkon që para se mësimdhënësit të flasin me të – t’i masin fjalët.
Kush je ti?
– Sikur t’i matnin shqiptarët fjalët nuk ishin çliruar!
Po, s’ka faj, faj ka Albin Kurti…
6. Albin Kurti tash e ka vurmakun për ta dërguar draftin e Asociacionit në Kushtetuese!
Nuk e dërgon sepse nuk i beson Gjykatës Kushtetuese (me të
drejtë). .
– Do të hyjë në Evropë me deputetë që janë kundër kulturës perendimore.
Ky është paradoks i psh.rr.ë.
Jini kundër, s’është e ndaluar të jesh euroskepitk…apo edhe më keq siç jeni ju, por pse ‘shtiresh’ si evropian kur s’je.
– Pse do të bëhesh pjesë e Evropës kur e ke mërzi kulturën ‘e tyre’!
Kë kujton se e mashtron!
– Çdo shtëpi (gati) është burg për minimumi një anëtar të familjes!
– Çdo shtëpi në fshat i ka ‘kufijtë’ e vet ku nuk i lejon bashkëfshatarët të kalojnë…
Fshati shqiptar është i pushtuar ‘ferr’, është ‘burg’, me rrugë të uzurpuara e të
pakaluara për ‘jabanxhinë’!
Ku po sheh ti atë kulturë perendimore?
– Albin Kurti duhet ta fus perendimin në Vetëvendosje, para se ta çojë Kosovën në Evropë….
– Rri aty ku je, më i varfëri, më primitivi, më i padituri, më paragjykuesi.
Të njohin!
– S’po tregojnë, se Këshilli i Evropës e ka pyetur Albin Kurtin se çfarë botëkuptimi ka për ‘puthjen franceze’….shumëçka varet nga përgjigja e tij.
– Asnjë kusht i KiE nuk bën fjalë për – shqiptarët.
Kërkohet nga politika e korruptuar e Kosovës t’i bëj serbët e lumtur, politikë që s’ka arritur të bëj një punë të hairit për shqiptarët, por shqiptarët s’janë kusht…!
7. Besnik Bislimi e ka parashikuar një sulm të ri në Banjskë.
Mund të ndodh – ka thënë!
– A mund të ndodh, për shembull, diku tjetër apo gjithqysh sulmi duhet të ndodh në Banjskë!
– Askush nuk e di se kush ia tregon Besnik Bislimit sekretet e Serbisë!
I tregon Bislimi Serbisë që Serbia do ta sulmojë Banjskën, apo Serbia i tregon Bislimit që Serbia një ditë prej ditëve do ta sulmojë Banjskën.
P.S. Qetësi!
