Njohësi i ekonomisë, Mustafë Kadriaj, në një prononcim për GazetaBlic, u deklarua rreth situatës aktuale të tregut të duhanit në Kosovë, mangësitë e tij, trendin e cigareve elektronike, rritjen e importit e po ashtu edhe mungesën e edukimit dhe vetëdijesimin e institucioneve të shëndetit publik.
“Deri tani shitja dhe distribucioni i duhanit është konform ligjeve paraprake ku këto ligje i kanë mangësitë e veta për faktin që ka evoluar dhe avancuar tregtia e duhanit, ku krahas cigareve me filter dhe refuz, tani kemi import të cigareve elektronike ku nga viti në vit ka trend të rritjes së importit e them këtë për faktin që cigaret elektronike nuk ngarkohen me akcizë”, u deklarua ai.
“Po ashtu nuk ka një edukim dhe vetëdijesim të institucioneve të shëndetit publik për dëmin që shkakton tek qytetari”, vazhdoi ai.
Tutje, Kadriaj flet rreth veprimeve që duhet ndërmarra për të kufizuar konsumin e duhanit në Kosovë.
“Iniciativat dhe veprimet shihen nga tereni që nuk e kanë dhënë efektin e vet pozitiv për faktin që tani pihet në çdo lokal duhani”, tha ai.
