Kryeprokurori i Gjilanit, Arben Kadriu në një bisedë ka dhënë disa detaje për ngjarjen në të cilën vdiq policja nga Gjilani.
Kadriu ka sqaruar se ka pranua raport telefonik nga hetuesit të cilët i kanë sqaruar disa prej dyshimeve të para rreth ngjarjes.
“Policja më herët ka qenë pjesë e njësisë së hetimeve në stacionin e Gjilanit”- tha kryeprokurori Kadriu.
“Për shkak të disa problemeve shëndetësore asaj i ishte marrë arma e saj personale. Ndërsa, sot ajo dyshohet se aktin e ka kryer me armën e djalit të saj i cili po ashtu është polic”- ka thënë Kadriu.
Ai ka thënë se Prokuroria është duke hetuar rrethanat e ngjarjes dhe është herët të arrihet në konkludime.
Zyrtarja e Policisë së Kosovës dyshohet se ka vrarë vetën sot më 14.05.2024 në Gjilan.
Lajmin e ka konfirmuar zëdhënësi i Policisë për rajonin e Gjilanit, Ismet Hashani.
Ai ka bërë të ditur se ngjarja e rëndë dyshohet se ka ndodhur rreth orës 11:44.
