Ministri i Punëve të Jashtme i Serbisë, Marko Gjuriq tha sot në RTS se shumë vende do të duhej ta përdornin ndikimin e tyre për ta parandaluar “tërbimin” etno-nacionalist të Kurtit”, ndërsa tha se prioriteti për krijimin e një shoqërie multietnike në Kosovë “po zëvendësohet”.
“Nuk ka të bëjë me Miroslav Lajçakun, por me faktin se shumë vende që do të duhej ta përdornin autoritetin dhe ndikimin e tyre për ta parandaluar tërbimin etno-nacionalist të Kurtit, nuk e përdorin autoritetin e tyre ose nuk janë të interesuar, dhe në disa raste diçka shumë më keq po ndodh, që është se prioriteti i shpallur më parë për krijimin e një shoqërie demokratike dhe multietnike në Kosovë dhe Metohi po zëvendësohet me disa qëllime të tjera gjeopolitike”, tha Gjuriq.
Ai tha se serbët më Kosovë duhet të jenë “të durueshëm dhe të mençur”.
“Ruajtja e interesave tona shtetërore dhe kombëtare varet në një masë të madhe nga këmbëngulja e tyre për të qëndruar në tokën e tyre, dhe ata janë heronj të vërtetë”, tha Gjuriq.
