Trajtimet estetike nuk janë më tema tabu siç ishin vite më parë. Sot shumë njerëz, duke përfshirë të famshëm, diskutojnë hapur dhe në mënyrë të vazhdueshme procedurat kozmetike, si laserët, trajtimet e fytyrës dhe trajtimet për tërheqjen e lëkurës
Megjithatë, nëse po flasim për atë që do të jetë trend në vitin 2025, duhet thënë se do ketë më shumë se thjesht tërheqje lëkure apo pastrim fytyre që do shohim nga njerëz të njohur apo jo.
Gjatë dy viteve të fundit ne nuk kemi qenë në gjendje t’i shpëtojmë bisedave rreth GLP-1 dhe trajtimeve me semaglutide si Ozempic, Wegovy dhe Mounjaro, pasi ato kanë të bëjnë me humbjen e peshës. Krijimi i “fytyrës Ozempic” dhe informacionet e tjera të lidhura me humbjen drastike të peshës po formojnë disa nga tendencat më të mëdha në trajtimet dhe procedurat estetike.
Nga “tkurrja” e fytyrës në një moshë më të re deri te trajtimet jo-invazive për tërheqjen e lëkurës, gjithçka ka të bëjë me arritjen e një pamjeje më natyrale, një prirje që mund të shpjegojë rënien e tendencave dikur të njohura që lidheshin vetëm me rritjen e të pasmeve braziliane ose BBL.
“Këto medikamente (semaglutide) janë shoqëruar me deflacion të lokalizuar dhe humbje të vëllimit në zonat e fytyrës, gjoksit dhe trupit,” thotë Adam R. Kolker, MD FACS, një kirurg plastik i certifikuar. “Përparimet në teknikat e ngritjes së fytyrës janë të paçmueshme në trajtimin e dobësimit, zbutjen dhe rinovimin e natyrshëm të zonave të prekura.”
Përparimet e teknikës së tërheqjes së fytyrës kanë tërhequr gjithashtu klientët të cilët po përjetojnë “lodhje nga mbushësit” ose kanë frikë nga “mbushësit”, si dhe duan rezultatet më të gjata dhe natyrale që mund të ofrojë operacioni. Përveç kësaj, trajtimet inovative të popullarizuara nga të famshëm si sperma e salmonit, ekzosomet dhe qelizat staminale janë gjithashtu të prirura të jenë më popullore këtë vit që vjen pasi më shumë njerëz familjarizohen me këto procedura në kërkimin e tyre për një pamje më rinore.
