Nën llupën e Ministrisë së Industrisë, Ndërmarrësisë dhe Tregtisë janë naftëtarët, prodhuesit e produkteve të ndërtimit dhe disa sektorë të tjerë në vend.
Nën llupën e Ministrisë së Industrisë, Ndërmarrësisë dhe Tregtisë janë naftëtarët, prodhuesit e produkteve të ndërtimit dhe disa sektorë të tjerë në vend.
Rozeta Hajdari, ministre e MINT-it, thotë se një nga detyrat kryesore të kësaj ministrie është mbrojtja e konsumatorëve nga abuzimet me çmimet dhe cilësinë e produkteve, duke siguruar një mbikëqyrje strikte, si dhe duke ndërmarrë masa për të parandaluar manipulimin e çmimeve që mund të shkaktojnë dëm për qytetarët.
Në një intervistë për KosovaPress, Rozeta Hajdari flet edhe për raportet tregtare në vendin tonë, si dhe për investimet e huaja direkte gjatë vitit 2024.
Ajo madje thotë se ka përmirësim të bilancit tregtar eksport-import.
Sa i përket monitorimit të tregut, ministrja Hajdari thotë se ndërhyrjet më të mëdha kanë qenë në tregun e naftës, për çka shton se afër 50 për qind e operatoreve ekonomik kanë qenë të palicencuar në tregun e naftës.
Derisa përmend sektorët për të ndaluar keqpërdorimet në treg, ajo thotë se me politiken e re për investime synojnë që të sjellin një inkurajim të prodhueseve serioz.
Ministrja Hajdari thotë se do t’i zgjerojë skemat mbështetëse për bizneset gjatë vitit 2025.
Derisa tregon për masat mbështetëse për bizneset, thotë se vetëm skema e granteve për këtë vit përfshin rreth 8 milionë euro.
Përgjatë vitit 2024, KIESA ka mbështetur rreth 500 biznese në vlerë prej 7.3 milionë euro.
