Presidenti i Serbisë, Aleksandër Vuçiq, pas sulmit ndaj Policisë së Kosovës dhe rritjes së pjesëtarëve policor në pjesën e veriut, ka thënë se nuk ka dorëzim.
Vuçiq kishte kaluar natën dhe mëngjesin tashmë me ministrin e tij të Mbrojtjes, Millosh Vuçeviq dhe shefin e Shtabit të Përgjithshëm të Forcave të Armatosura, Milan Mojsiloviq, duke postuar edhe fotografi në Instagram dhe duke shkruar “nuk ka dorëzim”.
Kujtojmë, se mbrëmë shefi i të ashtuquajtures Zyrës për Kosovën në Qeverinë e Serbisë, Petar Petkoviq, tha se Serbia “do të shqyrtojë dërgimin e 1.000 forcave të saj të sigurisë” në Kosovë.
Petkoviq i bëri komentet pak orë pasi Policia e Kosovës njoftoi se ka rritur praninë e saj në veri të Kosovës, pjesë e banuar me shumicë serbe.
