Një nga orëbërësit më të famshëm në botë, Franck Muller ka nxjerrë në shitje modelin e veçantë të orës luksoze me heroin kombëtar të shqiptarëve, Gjergj Kastrioti Skënderbeun.
Ora ka ngjyrat kuq e zi, të flamurit kombëtar shqiptar, ndërsa në fushën e saj është gdhendur me ngjyrë ari busti i Skënderbeut.
Blerim Latifi përmes një postimi në Facebook ka thënë se baba i shqiptarëve vazhdon me qenë yll në qiellin e heronjve të mëdhenj të njerëzimit, edhe pas më shumë se pesë shekujve të vdekjes së tij.
Postimi i plotë:
Kompania e famshme zvicerane e prodhimit të orëve të shtrenjta, Franck Muller, paska nxjerrë në treg një model të ri të orës së dorës me portretin e Gjergj Kastriotit-Skënderbeut.
Baba i shqiptarëve vazhdon me qenë yll në qiellin e heronjve të mëdhenj të njerëzimit, edhe pas më shumë se pesë shekujve të vdekjes së tij. Sepse jeta dhe vepra e tij janë të pashoqe në historinë e luftërave për liri, në historinë e qëndresës kundër tiranive.
