Me pasë humbë mostrat e Astrit Deharit gjatë mandatit të një qeverie tjetër, partia që sot është në pushtet, përveç që do të kërkonte përditë shkarkime, ka gjasë edhe protesta do të organizonte.
Sot, deputetët e pushtetit janë strukë si struci. I vetmi rast kur e nxjerrin kokën është kur i vazhdojnë akuzat për rastin ndaj pushtetit të mëhershëm.
Cila është ideja? Edhe sa doni me e keqpërdorë këtë rast?
Nëse pushteti i kaluar ka bërë gabime në trajtimin e rastit Dehari, kurrë VV s’ka me pasë mundësi më të mirë për me i nxjerrë para përgjegjësisë. Pra, veç duhet ta bëjë dhe ta ndalë viktimizimin e dërdëllitjet.
Në anën tjetër, dikush patjetër duhet me dhënë përgjegjësi për mostrat e zhdukura. Tashmë dihen emrat e njerëzve që kanë pasë qasje në hapësirën ku janë mbajtur ato. Pse s’po veprohet?
Si dikush që e ka pasë shok Astritin, ndjej keqardhje që ky rast po shfrytëzohet prej çdo pale për përllogaritje politike. Ky rast nuk tregon asgjë më pak se dehumanizimin tuaj. Jeni të gërditshëm!
