Cristiano Ronaldo është përfshirë në skuadrën Portugalisë për ndeshjet kualifikuese të Euro 2024 që pritet të zhvillohen gjatë këtij muaji.
Ronaldo, që iu bashkua skuadrës së Al Nassr në Arabinë Saudite pasi vendosi ta ndëpresë bashkëpunimin me Manchester Unitedin, nuk ishte pjesë e njëmbëdhjetëshes startuese të skudrës së trajnerit Fernando Santos në Botërorin “Qatar 2022”, por trajneri i ri, Roberto Martinez, ende i beson veteranit.
“Cristiano Ronaldo është një lojtar shumë i përkushtuar ndaj kombëtares”, ka thënë spanjolli. “Një lojtar si Cristiano sjell përvojë, ai është një figurë e rëndësishme në skuadër. Unë nuk shikoj moshën apo aspekte të tjera. Unë mendoj se Cristiano ka një mundësi për të ndihmuar ekipin dhe për të transmetuar përvojën e karrierës së tij te lojtarët e tjerë”.
