Boksieri shqiptar, Amarildo Bakaj do të ndeshet për titullin WBC në Sheshin ‘Nënë Tereza’ në Tiranë.
Ndeshja do të mbahet më 27 korrik me fillim nga ora 19:00.
Ky meç, për shqiptarin Bakaj është jashtëzakonisht i rëndësishëm.
Ai do të kthehet në Shqipëri pas 9 vitesh nga Gjermania, ku jeton aktualisht.
Se kjo ndeshje është shumë me rëndësi e ka pohuar edhe vet Bakaj.
Ai ka shkruar një postim në rrjetin social Facebook, ku shprehet mjaft entuziast.
“Nuk e di apo ndodh me të vërtetë, apo është thjesht një ëndërr. Kam 9 vite pa u kthyer në vendlindje dhe tani po rikthehem të ndeshem për një titull që gjithë boksierët e botës janë ndeshur për të😍 Ka një kohë që më është ofruar kjo ofertë, dhe e kam pranuar direkt edhe pse të gjithë më kanë thanë se është shumë shpejt, ngase unë kam veç 9 ndeshje dhe kundërshtari 33, dhe 29 i ka me KO të fituara dhe është kampion i dy titujve WBO dhe WBF”, shkruan ai.
“Familja mendojnë që unë s’i kam letrat dhe i kam gënjyer që ndeshja do zhvillohet në Gjermani, dhe këtu, le ta marrin vesh të gjithë edhe familja ime, letrat i kam, por isha i betuar që të kthehem si një kampion, e di që nuk do te jetë e lehtë për mua, sepse veç të kthehesh pas 9 vitesh ke emocione, dhe jo të kthehesh e të ndeshesh për WBC”, shkruan tutje ai.
“Me ndihmën e Zotit do ja dali! Nëse do shikoni lot tek unë mos ma merrni për dobësi, se është mali që m’ka marr për vendin tim, familjën❤️🥺Shihemi më 27 Korrik në Tiranë, të gjithë shqipet që më keni përkrahë deri sot tani ju kisha lut gjithsecili prej jush ta shpërndanë këtë foto, ju dua ❤️”, përfundon shkrimin e tij, boksieri shqiptar Amarildo Bakaj.
