Ka ndërruar jetë Ragip Mustafa, vëllai i ish kryeministrit dhe ish kryetarit të LDK-së, Isa Mustafa.
Lajmin e bëri të ditur në Facebook, djali i Isa Mustafës, Besniku.
Ai shkroi se xhaxhai i tij, Ragipi ka ndërruar jetë pas një sëmundje të rëndë.
Njoftimi i plotë:
Me dhembje të thellë ju njoftojmë se sot në mëngjes, pas një sëmundje të rëndë, ndërroi jetë në moshën 64 vjeçare, axha, Ragip Mustafa.
Varrimi do të bëhet sot, më 6 tetor, në varrezat e Arbërisë -Prishtinë, në ora 15:30.
E pamja (ngushëllimet) do të jenë në Prapashticë, në shtëpinë e familjes Mustafa në tre ditët e ardhshme.
