Kanë dalur në shitje biletat për ndeshjen Kosovë – Izrael, e cila përket tek kampanja kualifikuese për Euro 2024 dhe zhvillohet në ditën e pesëmbëdhjetë të këtij muaji në stadiumin “Fadil Vokrri” në Prishtinë.
Njoftimi ka ardhur nga Federata e Futbollit e Kosovës.
Çmimet e biletave nisin nga ajo me vlerë pesë euro dhe shkojnë tek ajo me vlerë tetëdhjetë euro.
Biletat mund të blihen në linkun: https://eu.ebileta.al/biglietteria/listaEventiPub.do
“Federata e Futbollit e Kosovës njofton opinionin se sapo ka nisur shitja e biletave për ndeshjen Kosovë – Izrael, në kuadër të kualifikimeve për EURO 2024, e cila zhvillohet më datë 15 tetor 2023, në orën 20:45, në stadiumin “Fadil Vokrri”. Ato mund t’i blini përmes platformës online në linkun e mëposhtëm:Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro”, ka shkruar FFK.
“VINI RE!
Një person mund të blejë deri në katër bileta. Procedura se si blihet bileta online:
Fillimisht ju duhet të regjistroheni në platformë. Mandej zgjidhni tribunën e stadiumit dhe më pas e selektoni ulësen e preferuar. Pasi t’i zgjedhni biletat, vazhdoni me pagesën online. Pasi të përfundon blerja online, ju duhet të pritni deri të gjenerohet Bileta si dhe Fatura juaj. Biletën do ta pranoni gjithashtu në email (kontrolloni edhe folderin SPAM gjithashtu). Bileta patjetër duhet të jetë e printuar në formatin A4, printimi duhet të jetë i kualitetit të lartë. Biletat janë të personalizuara (Në stadium mund të hyjë vetëm një person me një biletë pa marrë parasysh moshën).
Shënim: Personat që rastësisht pas blerjes së biletës nuk e marrin atë nëpërmjet emailit, atëherë atë mund ta gjejnë përmes kodit në linkun e mëposhtëm”.
