Kompania Rajonale e Ujësjellësit “Prishtina” ka njoftuar se ka vendosur një autobot më ujë në Graçanicë, që nga ora 9:00 e mëngjesit të enjten, për të shpërndarë ujë të pijes. “Ju njoftojmë se auto boti është i stacionuar në Graçanicë që nga ora 09:00”, thuhet në njoftimin e KRU “Prishtinës”.
Ata njoftojnë se gjatë ditës do të vendosen autobote edhe për zonat e tjera.
Kjo pasi që të enjten është njoftuar se në kontrollet e cilësisë së ujit që vjen nga liqeni i Badovcit ka rritje të Manganit.
KRU “Prishtina”, ashtu si Instituti Kombëtarë i Shëndetit Publik në Kosovës, kanë deklaruar se uji nuk rekomandohet për pije as gatim deri në një njoftim tjetër.
