Deputeti i Lidhjes Demokratike e Kosovës (LDK), Besian Mustafa deklaroi se gjatë mandatit të qeverisë aktuale, investimet kapitale janë minimale.
Sipas tij, inflacioni në produktet ushqimore gjatë këtyre tri viteve është mbi 100 për qind. Teksa komentoi deklaratat e udhëheqësve për zhvillim të hovshëm ekonomik, Mustafa në seancën e jashtëzakonshme tha se një gjë e tillë do të duhej të ndahej me shërbyesit civilë në vend.
Në emër të Lidhjes Demokratike të Kosovës, deputeti Mustafa tha se është fatkeqësi që sa herë diskutohen tema të rëndësishme, partia në pushtet refuzon të debatojë.
