Nënkryetarja e PDK-së, Vlora Çitaku, vlerëson se Gjykata Speciale është duke bërë përndjekje politike.
Ajo këtë e ka thënë me rastin e bastisjeve që ky institucion ka bërë në dy ditët e fundit tek ish-këshilltarët e ish-presidentit Hashim Thaçi, Blerim Shala, Bashkim Smakaj dhe Artan Behrami.
“Kjo nuk është drejtësi. Kjo është përndjekje. Persekutim. Dje Blerimi e Bashkimi. Sot Artani. Nesër nuk e di”, shkruan ajo.
“Po ajo që po shihet sheshazi është që kjo është përndjekje politike”.
