KFOR-i është plotësisht i fokusuar në zbatimin e mandatit të OKB-së – bazuar në Rezolutën 1244 të Këshillit të Sigurimit të OKB-së për të ofruar një mjedis të sigurt për të gjitha komunitetet që jetojnë në Kosovë, në çdo kohë dhe në mënyrë të paanshme.
Siç thuhet në përgjigjen me shkrim të KFOR-it, “si përgjigje ndaj tensioneve të fundit, pasoi përforcimi më i madh i trupave të KFOR-it në dekadën e fundit”.
“Pothuajse 1000 ushtarë shtesë me armë të rënda janë dislokuar. Ne kemi katërfishuar praninë e KFOR-it në Veri të Kosovës dhe kemi trefishuar numrin e patrullave, duke përfshirë edhe përgjatë vijës kufitare. KFOR-i mban një qëndrim fleksibël dhe të shkathët në mbarë Kosovën dhe është i gatshëm të t’u përgjigjet të gjithë skenarëve të mundshëm, në përputhje me mandatin e tij në OKB. Misioni ynë mbetet shërbimi i tretë i sigurisë në Kosovë, pas Policisë së Kosovës dhe EULEX-it, komandanti ynë është në kontakt të rregullt me të gjithë.
Qeveria e Kosovës më herët ka njoftuar se e premtja (1 dhjetor) është dita e fundit që serbët në Veri të Kosovës t’i zëvendësojnë targat KM me targa RKS.
DTV
