Fatmire Musliu nga Sindikata e Punëtorëve të Ministrisë së Punëve të Jashtme në FRONTAL të T7 është ankuar për zhvillimet brenda ministrisë. Ajo ka pasur vërejtje për procesin e fuzionimit të Ministrisë së Diasporës tek ministria e Jashtme dhe ka potencuar se janë bërë shumë emërime politike dhe janë vendosur nëpër pozita njerëz jo-adekuat.
Musliu ka thënë së punëtorët e karrierës që janë në Ministri të Jashtme janë tepër në gjendje të keqe.
“Zyrtarët e karrierës, nuk e di si të them, të them depresion është fjalë e rëndë. Ata janë duke menduar që ta lejnë punën fare”, ka thënë ajo në FRONTAL.
“Normal se kur përballesh me shkelje, për barazi në punë, ngritje në detyrë, atëherë kënaqësia që fillimisht te ka secili, zbehet”, ka shtuar ajo tutje.
