Presidentja e vendit, Vjosa Osmani, ka thënë se rinia e Kosovës ka dëshmuar potencial të jashtëzakonshëm në fushën e teknologjisë.
Në llogarinë e saj në Facebook, ajo ka thënë se duhet të shfrytëzohet fuqia transformuese e teknologjisë për të mirën e shtetit tonë.
Kështu ka thënë ajo pasi ka vizituar kompaninë 3CIS.
Postimi:
Vizita në kompaninë 3CIS
Afro 16 vite eksperiencë në fushën e TIK-ut me mbi 200 të punësuar. Me dhjetëra projekte me kompanitë më të mëdha në SHBA, por edhe në Evropë, Azi e Afrikë.
Rinia e Kosovës ka dëshmuar potencial të jashtëzakonshëm në këtë fushë, ndaj sukseset janë mbresëlënëse.
Së bashku, le të vazhdojmë ta shfrytëzojmë fuqinë transformuese të teknologjisë për të mirën e shtetit tonë!
