Nuk votohet Projektligji për shëndetin riprodhues, Konjufca thotë se Rrahmani i VV-së nuk po voton

Kryetari i Kuvendit të Kosovës, Glauk Konjufca ka kritikuar një deputet të Lëvizjes Vetëvendosje se nuk po merr pjesë qëllimshëm në votim në mënyrë që të mos kalohet e miratohet Projektligji për shëndetin riprodhues dhe fertilizim të asistuar mjekësor.

“Një deputet nga mazhoranca qëllimshëm nuk po voton e provojmë edhe herën e tretë dhe pastaj e lëmë këtu”, tha Konjufca.

Këtu reagoi deputeti në fjalë të cilit Konjufca nuk ia përmendi emrin.

“S’kam nevojë me ta përmend emrin bre, pse çka, s’kam nevojë me të përmend emrin. Kjo është për me e kuptu teknikisht çka po ndodhë. Deputetë e kanë shpjeguar të gjithë pozicionin e vet e nuk kemi nevojë me i gjyku fare. Këto janë përcaktime të lira qysh donë deputetët. Teknikisht s’po mundemi të votojmë tash nëse nuk funksionoi e lëmë këtu. Nuk ka diçka të veçantë na ka ndodhur plotë herë”, ka thënë Konjufca.

Eman Rrahmani është deputeti që reagoi nga ulësja dhe i cili nuk e votoi këtë projektligj.

Leave a Reply

Your email address will not be published.