Deputetja e Partisë Demokratike të Kosovës, Ariana Musliu-Shoshi, ka qëndruar sot në dy fshatrat e Drenasit, Likoshan dhe Qirez, aty ku forcat serbe kryen masakra të rënda në luftën e fundit në Kosovë.
“Familja Rexhepi, Sejdiu, Ahmeti, Nebihu, Xheli, Rama e Behrami qëndrojnë të forta e krenare për bijtë dhe bijat e tyre që u bënë themel lirie!” ka thënë Musliu-Shoshi.
Ajo ka vizituar familjarët e viktimave dhe ka bërë homazhe te varrezat ku pushojnë trupat e tyre.
Ky është njoftimi i plotë i Musliu-Shoshit:
Beteja e 28 shkurtit 1998, në mes njësive të UÇK-së dhe policisë serbe ndaj civilëve të pafajshëm, ishte shenjë se lufta në Kosovë po fillonte dhe se çmimi i lirisë do të ishte i lartë.
Sot u bënë 26 vite nga këto masakra në dy fshatrat e Drenicës, Likoshan dhe Qirez.
Familja Rexhepi, Sejdiu, Ahmeti, Nebihu, Xheli, Rama e Behrami qendrojnë të forta e krenare për bijtë dhe bijat e tyre që u bënë themel Lirie!
I përjetshëm do të jetë kujtimi dhe nderimi për të rënët.
Lavdi jetës dhe veprës së tyre!
