Kryetari i Kuvendit të Republikës së Kosovës, Glauk Konjufca, së bashku me ministren e Drejtësisë, Albulena Haxhiu, bëri sot homazhe dhe vendosi lule te lapidari i të rënëve dhe martirëve në lagjen “Dardania” të Pejës, në 25-vjetorin e masakrës së kryer nga forcat pushtuese serbe mbi popullatën civile shqiptare.
Në bashkëbisedim me familjarë dhe të pranishëm, Kryetari Konjufca u shpreh se sakrifica ndër vite e popullit ton për çlirim dhe liri, u jetësua.
I pari i Kuvendit tha se është detyrë e jona që historinë dhe të kaluarën tonë, aspak të lehtë t’ua mësojmë gjeneratave të reja.
