Në ambientet e Drejtorisë së Përgjithshme të Policisë së Kosovës në Prishtinë, Drejtori i Departamentit për Rend Publik Nënkolonel Arbnesh Ajvazi dhe Drejtori i Divizionit të Komunikacionit Rrugor Nënkolonel Jeton Rexhepi mbajtën takim me Zëvendësdrejtorët Rajonal të PK-së, Komandantët e Njësive të Trafikut, përfshirë Njësinë për Kontroll në Autostrada, lidhur me implementimin e Ligjit Nr. 08/L-186 për rregullat e trafikut rrugor, i cili fillon të zbatohet nga data 03.04.2024,
Në fokus të takimit ishte implementimi i këtij ligji dhe angazhimet policore në funksion të menaxhimit dhe kontrollit sa më efektiv në trafikun rrugor.
Rikujtojmë se me ligjin e ri të trafikut gjobat parashihen të jenë tejet të larta në krahasim më ato që ishin deri më tani.
