Deputetja e PDK-së, Eliza Hoxha ka bërë me dije se bashkë me deputeten e VV-së, Arjeta Fejza, kanë marrë pjesë në takimin e Rrjetit Parlamentar “Women Free from Violence” të Asamblesë së Këshillit të Evropës.
Ajo ka treguar se në këtë takim është folur mbi rolin e parlamentarëve në zbatimin dhe monitorimin e Konventës së Stambollit, të cilën Kosova e ka miratuar.
Në profilin e saj në “Facebook”, Hoxha ka shkruar se në takim është diskutuar edhe për sfidat e Kosovës.
“Në Riga të Letonisë bashkë me deputeten Arjeta Fejza ishim në takimin e Rrjetit Parlamentar “Women Free from Violence” të Asamblesë së Këshillit të Europës mbi rolin e parlamentarëve në zbatimin dhe monitorimin e Konventës së Stambollit. Patëm knaqsinë që në mesin e shumë shteteve që kanë ratifikuar Konventën e Stambollit edhe ne si Kosovë të flasim për rezultatet por edhe për sfidat që i kemi. Në këtë rrugëtim u bashkua dhe vet Letonia e cila tashmë e ka ratifikuar konventën duke u bërë vendi i 39-të si pjesë e saj. Me këtë rast prezente ishte edhe presidentja e GREVIO-s, Znj. Maria-Andriani Kostopoulou”, ka shkruar Hoxha.
