Lojtari i Shqipërisë, Ivan Balliu ka përfunduar në qendrën e mediave spanjolle para ndeshjes me përfaqësuesen “La Roja”, kjo për shkak të së kaluarës së tij me moshat e ibrikëve, por edhe për karrierën e tij me Rayo Vallecanon në LaLiga.
Në një intervistë për “Mundo Deportivo”, 32-vjeçari shprehet se është gati për të startuar nga minuta e parë kundër Spanjës ndërsa nuk harroi lavdet për lojtarë si Lamine Yamal dhe Nico Williams.
“Historia e Lamine Yamal është e pabesueshme, të bën të mendosh kur e kupton që ai është vetëm 16-vjeç. Këtë e diskutuam edhe me shokët e kombëtares dhe nisëm të mendonin se çfarë kishim bërë ne në moshën 16-vjeçare. Unë as që e mbaj mend veten në atë moshë. Nga ana tjetër, Lamine është një nga lojtarët më të mirë në botë, ndoshta edhe më i mirë. Imagjinojeni pak në të ardhmen se çfarë mund të arrijë.
Duhet ta mbyllim mirë dhe të mos i lejojmë hapësira sepse përndryshe të shkakton shumë probleme. I njëjti diskutim vlen edhe për Nico Williams, janë shumë të shpejtë dhe arrijnë të nxjerrin mbrojtjen kundërshtare nga ekuilibrat. Është shumë e vështirë për t’i ndalur. Megjithatë, unë jam gati për të luajtur, nuk ka asnjë në Shqipëri që e njeh më mirë se unë”, u shpreh Balliu.
