Kryetari i LDK’së, Lumir Abdixhiku, ka publikuar një video nga Vitia, ku shihen punimet që janë bërë gjatë renovimit të gjimnazit “Kuvendi i Lezhës”.
Abdixhiku ka thënë se aty po kryhen parapërgatitjet për vitin e ri shkollor.
“Vazhdojmë! Këtë verë po i renovojmë shkollat. Në Viti po renovohet tërësisht Gjimnazi ‘Kuvendi i Lezhës’ si parapërgatitje për vitin e ri shkollor. Hapësira të reja, digjitalizim modernizim!”
Kryetari i komunës së Vitisë, Sokol Haliti, ka thënë që deri tani janë ndërtuar 7 shkolla të reja.
“Kemi rivitalizuar të gjitha të tjerat. Jemi komuna e parë që kemi filluar me digjitalizimin e shkollave”, tha ai.
